പൂങ്കാവനം...

ഇന്ന് നമുക്കിവിടെ ഒരു പൂങ്കാവനം ഒരുക്കണം കേട്ടോ
എനിയ്ക്ക് പ്രിയമുള്ള കുറച്ച് പൂക്കൾ കൊണ്ട് ഞാനൊരു കൊച്ചു പൂന്തോട്ടം ഒരുക്കാൻ പോകുന്നു..
പക്ഷേ അതു പോരാ…നിങ്ങളും പങ്കെടുക്കണം..
ഒരു പൂന്തോട്ടം ഒരുക്കാൻ ആവില്ലെങ്കിൽ ഒരു ചെടിയെങ്കിലും നട്ട് പോകണം..!


ഇല്ലെങ്കിൽ എന്താന്നോ…????
അതു തന്നെ സംഭവിയ്ക്കും..
ദാണ്ടെ, അങ്ങു നോക്കിയ്ക്കേ ആരാ കണ്ണുരുട്ടി നിൽക്കുന്നതെന്ന്…
തോട്ടക്കാരൻ ഔസപ്പേട്ടൻ ഓടിച്ചിട്ട് പിടിയ്ക്കുമേ…

ഞാൻ എന്‍റെ ചെടികൾ നടുകയാണ്‍...
അവയിൽ വിരിഞ്ഞ നിറങ്ങളും മണങ്ങളും ആണ്‍ ചുവട്ടില്‍ വിരിഞ്ഞു നിൽക്കുന്നവ...


************* ***************** ************** **************


കണികാണാന് അര്പ്പിയ്ക്കും പൂവ് - കൊന്ന

സൂര്യനെ നോക്കി ചിരിയ്ക്കുന്ന പൂവ് - സൂര്യാകാന്തി

നാലു മണിയ്ക്ക് വിരിയുന്ന പൂവ് - നാലുമണി പൂവ്

സന്ധ്യക്ക് മൊട്ടിടും താരക പൂക്കൾ - മുല്ല

പാതിരാവിൽ വിരിയുന്ന പൂവ് - നിശാഗന്ധി

മഞ്ഞ നിറമുള്ള കുഞ്ഞിപ്പൂക്കൾ - മുക്കുറ്റി

മഴക്കാലം കഴിഞ്ഞാൽ ഉണരുന്ന പൂവ് - കാശിത്തുമ്പ

കുളത്തിലും തോട്ടിലും കാണുന്ന പൂവ് - ആമ്പല്

പൂമരങ്ങളിൽ വിരിയുന്ന പൂവിന്റെ പേര് - രാജമല്ലി

കുറ്റിച്ചെടിയിൽ വിരിയുന്ന മണമുള്ള വെളുത്ത പൂവ് - നന്ത്യാർവട്ടം

ഒരു നിറത്തിന്റെ പേരുള്ള പൂവ് - റോസ്

അമ്മമ്മയുടെ കോളാമ്പിയെ ഓര്മ്മിപ്പിയ്ക്കും മഞ്ഞപ്പൂവ് - കോളാമ്പി പൂവ്

ഇതളുകൾ ചെറിയ രീതിയില്‍ കീറിയെടുത്തതു പോലെളുള്ള പൂവ് - ചെമ്പരത്തിപൂവ്

മണമില്ല...ഗുണമില്ലാ...വര്‍ണപകിട്ടില്ലാപൂവ് - പുല്ലാഞ്ഞി അഥവാ പുല്ലാന്തി പൂവ്...

ഐതിഹ്യങ്ങളിലും മറ്റും.. യക്ഷിയുമായി ബന്ധിപ്പിയ്ക്കാറുള്ള പൂവ് - പാലപ്പൂ

പരുപരുത്തതും രോമങ്ങളുള്ളതുമായ വലിയ ഇലകളുള്ള..
രാത്രിയിൽ പൂക്കൾ വിരിയുകയും പകൽ കൊഴിയുകയും ചെയ്യുന്ന പൂവ് - പവിഴമല്ലി

അനിഴം നാളുകാരുടെ ജന്മനക്ഷത്ര വൃക്ഷം..
ഇളം മഞ്ഞ നിറവും, പ്രത്യേക ഗന്ധവുമുള്ള പൂവ് - ഇലഞ്ഞിപ്പൂ

പല പേരുകളില്‍അറിയപ്പെടുന്ന സുന്ദരി പൂവ്...

അത്തക്കളം ഒരുക്കാന്‍  ഓടി അണയും പൂവ്...തുമ്പപ്പൂ

പത്തുമണിയ്ക്ക് കണ്ണ് തുറക്കും കുഞ്ഞു പൂക്കള്‍..

വിളഞ്ഞ നെല്‍പാടങ്ങളിലും ഓണക്കൊയ്ത്തിന് ശേഷമുള്ള പാടങ്ങള്‍ക്കിടയിലും കടുത്ത നീല നിറത്തില്‍ അവിടവിടെയായി മുത്തുകള്‍പോലെ കാണപ്പെടുന്ന പൂവ്  - കാക്കപ്പൂവ്

കണ്ണാംതളി..

പാരിജാതം..

നോക്കിയ്ക്കേ...എന്തു മാത്രം പൂക്കളാ...
കാറ്റ് വീശുമ്പോൾ...ഹോ...എന്താ സുഗന്ധം...
കണ്ടുവോ...പൂമ്പാറ്റകൾ തേൻ നുകരാൻ എത്തി തുടങ്ങി...

എന്നാൽ നിങ്ങളും തുടങ്ങുകയല്ലേ....????

നിങ്ങള്‍ക്ക് പ്രിയമുള്ള ഒരു പൂവിനെ കുറിച്ച് ഒറ്റ വരി...അത്രയും മതി...ഈ പൂങ്കാവനം കൂടുതല്‍ സുന്ദരിയാവാന്‍...നന്ദി...!

A to J with ശ്ശ്ശ്ശ്ശ്ശ്ശ്ശ്…..SOUNDS…..!

ഇന്നത്തെ ക്ലാസ്സിലേയ്ക്ക് പ്രായ പരിതിയുണ്ട്..
രണ്ടര മുതല് അഞ്ച് വരെ ഉള്ളവര്ക്ക് മാത്രം പ്രവേശനം..
പ്രതിഷേധം ഉള്ളവര്ക്ക് കൊച്ചു കൂട്ടുകാരുടെ സമ്മതത്തോടെ മാത്രം പിന് ബഞ്ചില് ഇരിയ്ക്കാം..
എന്നാല് എല്ലാവരും ഇവിടെ ശ്രദ്ധിയ്ക്കൂ..
എന്റെ കയ്യില് ഒരു പെട്ടി ഉണ്ടു,
അതിനെ നമുക്ക് object box എന്ന് വിളിയ്ക്കാം.
object box നകത്ത് എത്തി നോക്കാന് ഇപ്പോള് എല്ലാവര്ക്കും ആഗ്രഹം ഉണ്ടെന്ന് അറിയാം..
വരൂ…കാണിയ്ക്കാം..
object box ല് 10 Objects ഉണ്ട്..
ഇംഗ്ലീഷ് അക്ഷരമാലയില് A മുതല് J വരെയുള്ള അക്ഷരങ്ങള്ക്ക് പേര് പറയിപ്പിയ്ക്കാന് തരത്തിലുള്ള objects..
അവ എല്ലാം ഒരു കുഞ്ഞ് നിത്യം ചുറ്റിനും കാണുന്നവ ആയിരിയ്ക്കണം എന്നത് നിര്ബന്ധം..
കുഞ്ഞുങ്ങളെ ആദ്യമായി object box കാണിയ്ക്കുകയല്ലേ , അപ്പോള് അവരെ കൂടുതല് കുഴപ്പിയ്ക്കുന്നത് ശരിയല്ല..
അതുകൊണ്ട് അക്ഷരമാല ചാര്ട്ട് പ്രകാരം തന്നെ ആകാം തുടക്കം..
അപ്പോള് തുടങ്ങുകയായി..
ഒരു കുസൃതി ചിരിയോടെ കണ്ണടച്ച് object box നകത്ത് ആകാംക്ഷയോടെ കയ്യിട്ട് കരുതലോടെ A യില് തുടങ്ങുന്ന Object എടുക്കുകയാണ്..
object box ല് നിന്ന് A object പുറത്തെടുത്തു..
നോക്കിയ്ക്കേ…എന്റെ മുഖത്തെ അത്ഭുതം..
ഇനി A object ന് നമുക്ക് ഒരു പേരിടാം..
ഉം..A for APPLE…പേരിട്ടു..
എന്നാല് A for APPLEന് പേര് മാത്രം പോര….ഉച്ഛരിയ്ക്കാന് ഒരു സ്വരം കൂടി വേണം..
Aയുടെ സ്വരം “അ “ ആണ്‍..
ആ സ്വരത്തിന് PHONETIC SOUND എന്ന് പറയും..
ഇപ്പോള് object box കൊണ്ടുള്ള കളി മനസ്സിലായല്ലോ….
എന്നാല് തുടങ്ങാം..
object box നകത്തു നിന്ന് അക്ഷരമാല ക്രമ പ്രകാരം കണ്ണടച്ച് ഓരോ Objects എടുക്കുന്നു.,
ഓരോന്നിനും നാമം കൊടുക്കുന്നു..സ്വരം കൊടുക്കുന്നു..
എന്നാല് ഇനി ഇത്തവണ നിങ്ങള് കണ്ണടയ്ക്കൂ….പറയുമ്പോള് മാത്രം തുറക്കാ..
ഉം……….തുറന്നേ…നോക്കിയ്ക്കേ…..പറഞ്ഞേ…..

A for APPLE   A says അ

B for BALL   B says ബ്

C for CAR   C says ക്

D for DOLL   D saya ഡ്

E for EGG   E says എ

F for FISH   F says ഫ്

G for GUN   G says ഗ്

H for HAT H says ഹ്

I for INK POT I says ഇ

J for JOKER J says ജ്

K to Z കളികള് അടുത്ത ക്ലാസ്സില് കളിയ്ക്കാം ട്ടൊ..
ങാ…പറയാന് മറന്നു,
English അക്ഷരങ്ങളുടെ പ്രാണന് Phonetic Sounds ആണ്..
Phonetic Sounds പിഴച്ചാല് English വാക്കുകള് ഉച്ഛരിയ്ക്കുന്നതില് പിഴ വരും..
അടിത്തറ പിഴയ്ക്കരുതല്ലോ..
അപ്പോള് എല്ലാവരും നല്ല കുട്ടികളായി A to J Phonetic Sounds കൂടെ ചൊല്ലി പഠിച്ചേ…
ഇതിന് Phonetic Drill എന്ന് പറയും ട്ടൊ..
അതായത് ,“അ..ബ്..ക്..ഡ്..എ..ഫ്..ഗ്..ഹ്..ഇ..ജ്..ഈണത്തില്‍ പാടുന്നതിന്‍..
ഉം…..സ്വരം ഉയര്ത്തി ചൊല്ലണ്ട…
നമുക്കു മാത്രം നമ്മുടെ സ്വരം കേള്ക്ക തക്ക രീതിയില് മാത്രം……!

ഹയ്യടാ...ഞാനിന്ന് കുളിച്ചേ....!

ഹയ്യടാ...മാനം കറുത്തേ
ഹയ്യടാ...ഘട ഘട കേട്ടേ
ഹയ്യടാ...കണ്ണുകള്‍ പൂട്ട്യേ
ഹയ്യടാ...പേടിച്ചോട്യേ
ഹയ്യടാ...മച്ചിലൊളിച്ചേ..!

ഹയ്യടാ...തുള്ളികള്‍ വീണേ
ഹയ്യടാ...പുതുമഴ പെയ്തേ
ഹയ്യടാ...കൂട്ടുകാര്‍ വന്നേ
ഹയ്യടാ...കളിയ്ക്കാന്‍ പോണേ
ഹയ്യടാ...ഞാനിന്ന് കുളിച്ചേ..!

ടിറ്റി മുയലിന്‍റെ ആശകള്‍....

 

ടിറ്റി മുയല് പുഞ്ചിരിയോടെ കണ്ണുകള് തുറന്നു..
നീലാകാശത്ത് പറന്നുയര്ന്ന് കളിയ്ക്കുന്ന കുഞ്ഞി കുരുവിയുടെ മധുര സംഗീതമാണ് ടിറ്റി മുയലിന്റെ പൊന് പുലരിയെ ഉഷാറാക്കിയത്..
“എത്ര സുന്ദരമീ പൊന് പുലരി..ലാ ലാ ലാ….”
കുഞ്ഞി പെണ്ണ് നീലാകാശത്ത് വട്ടം കറങ്ങി പാടി കൊണ്ടേയിരുന്നു..
കുഞ്ഞി കുരുവിയുടെ പാട്ട് ടിറ്റിയ്ക്കും ഇഷ്ടമായി..
അവളും പാടി…“എത്ര സുന്ദരമീ പൊന് പുലരി..ലാ ലാ ലാ….”
അന്നത്തെ പ്രഭാത സവാരി കുറുഞ്ഞികള് വിരിയുന്ന താഴ്വരയിലൂടെ ആകാം...
പാട്ടും പാടി തുള്ളിച്ചാടി കളിച്ചു രസിച്ച് അന്നത്തെ ദിവസം ആഘോഷിയ്ക്കാന് തന്നെ ടിറ്റി മുയല് തീരുമാനിച്ചു..
പെട്ടെന്ന്…അതാ…..
താഴ്വരയുടെ ചുവട്ടില് ഒരു പച്ച തടാകം..
ടിറ്റി മുയലിന് സന്തോഷം അടക്കാനായില്ല..
തടാകക്കരയിലേയ്ക്ക് ഓടിച്ചെന്നു..
പച്ചതടാക കരയില് പച്ച പൂപ്പല് പിടിച്ച ഒരു പച്ച പാറകല്ലിന്മേല് നാവും നീട്ടി പുഞ്ചിരിച്ചിരിയ്ക്കുന്ന പച്ച മാക്രി പെണ്ണിനെ പരിചയപ്പെട്ടു..
ടിറ്റി മുയല് ചോദിച്ചു,
“എന്താ മാക്രി പെണ്ണേ നിന്റെ മുഖത്തിത്രയും സന്തോഷം.. “
മാക്രി പെണ്ണ് പറഞ്ഞു,
എനിയ്ക്ക് എപ്പോഴും സന്തോഷം മാത്രമേ ഉള്ളൂ..
ഞാന് എന്നും ഈ പച്ച തടാക കരയില് പച്ച പാറ കല്ലിന്മേല്‍ ഇരുന്ന് വായ് തുറന്ന് ‘പേക്രോം…പേക്രോം“ എന്ന് പാടി ഇരിയ്ക്കുന്നതില് പരം സന്തോഷം എനിയ്ക്ക് വേറൊന്നും ഇല്ല..
ഒരു ചാറ്റല് മഴയുണ്ടെങ്കില് പിന്നെ പറയും വേണ്ട…ഞാന് പാടി തിമിര്ക്കും..
അതു കേട്ട് ടിറ്റി മുയലിന്റെ ഉള്ളവും കുളിര് കൊണ്ടു..
സവാരിയ്ക്കിടെ അവള് ഓര്ത്തു,
എനിയ്ക്കും കുഞ്ഞി കുരുവിയെ പോലെ നീലാകാശത്ത് പറക്കാന് സാധിച്ചിരുന്നെങ്കില്..
എനിയ്ക്കും പച്ച മാക്രി പെണ്ണിനെ പോലെ നീന്തി തുടിയ്ക്കാന് സാധിച്ചിരുന്നെങ്കില്..

സവാരി നിര്ത്തി ടിറ്റി മുയല്‍ ഉത്സാഹ കുറവോടെ മാളത്തിലേയ്ക്ക് തിരിച്ചു.
പെട്ടെന്ന് അവള് എന്തോ തീരുമാനിച്ച് ഉറച്ചപോലെ തന്റെ കുഞ്ഞി കുടയും എടുത്തു കൊണ്ട് മാളത്തിന് വെളിയില് ഇറങ്ങി..
എന്നിട്ട് അവള്‍ പച്ച തടാക കരയിലേയ്ക്ക് വെച്ചുപിടിച്ചു,,
തടാക കരയില് പടര്ന്ന് പന്തലിച്ചു നില്ക്കുന്ന പൂമരം ആയിരുന്നു അവളുടെ ലക്ഷ്യം..
പൂമര ചുവട്ടില് എത്തിയതും അവള് പൂമരത്തില് വലിഞ്ഞു കയറി..
മുകളില് എത്തിയതും തന്റെ കയ്യില് ഒതുക്കി പിടിച്ചിരുന്ന കുഞ്ഞു കുട ഒരു പാരച്യൂട്ട് പോലെ തുറന്ന് താഴോട്ട് എടുത്ത് ചാടി പറക്കാന് ശ്രമിച്ചു,,
അതു കണ്ട് നീലാകാശത്ത് പറന്ന് രസിച്ചിരുന്ന് കുഞ്ഞി കുരുവി കൂവി വിളിച്ചു,
“അയ്യോ…അരുത്…മുയലുകള്ക്ക് പറക്കാന് ആവില്ല…“
അത് കേള്ക്കും മുന്നെ തന്നെ ടിറ്റി മുയല് പൂമരത്തിനു ചുവട്ടിലെ തടാകത്തിലേയ്ക്ക് “ബ്ലും”
എന്ന് വീണു..
കുഞ്ഞി കുരുവിയുടെ കൂവല് അപ്പോഴാണ് ടിറ്റി ശ്രദ്ധിച്ച്ത്, അവള് ഓര്ത്തു,
ശരിയാണ്..എനിയ്ക്ക് പറക്കാന് ആവില്ല എന്ന് തെളിഞ്ഞു കഴിഞ്ഞു..
ഇനി ഈ തടാകത്തില് നിന്ന് വേഗം നീന്തി രക്ഷപ്പെടട്ടെ..
കയ്യും കാലും ഇട്ടടിച്ച് നീന്താന് ശ്രമിയ്ക്കുന്ന ടിറ്റിയെ നോക്കി പച്ച മാക്രി പെണ്ണ് കൂവി വിളിച്ചു..
“അയ്യോ…മുയലുകള്ക്ക് നീന്താനാവില്ല.. “
വയറു നിറയെ വെള്ളം കുടിച്ച് ഒരു മര പലകയുടെ സഹായത്തോടെ കഷ്ടിച്ച് രക്ഷപ്പെട്ട ടിറ്റി മുയലിന് തന്റെ പരിശ്രമങ്ങള് പാഴ്വേലകള് മാത്രമായിരുന്ന് എന്നു ബോധ്യമായി..
അവള് സ്വയം പറഞ്ഞു,..
“ശരിയാണ് മുയലുകള്ക്ക് പറക്കുവാനും, നീന്തുവാനും ആവുകയില്ല..
എന്നാല് മുയലുകള്ക്ക് തുള്ളിച്ചാടി ഓടി രസിച്ച് കളിയ്ക്കാനാകും..
ഞാന് അതില് സംതൃപ്തയും സന്തുഷ്ടയും ആയിരിയ്ക്കണം..
മറ്റുള്ളവരുടെ സന്തോഷം എന്റേയ്യും ആയിരിയ്ക്കണം എന്ന് ആഗ്രഹിയ്ക്കുന്നത് നല്ലതല്ല..
ദൈവം നമുക്ക് അനുഗ്രഹിച്ച് നല്കുന്ന കഴിവുകള് സന്തോഷപൂര്‍വ്വം സ്വീകരിയ്ക്കുക, സ്വയത്തമാക്കുക..
ഇത് എനിയ്ക്ക് എന്നത്തേയ്ക്കുമായൊരു പാഠമായിരിയ്ക്കട്ടെ…!

പിന്നെ ടിറ്റി മുയല് അവിടെ അധികം സമയം ചിലവഴിച്ചില്ല…
മൂളിപ്പാട്ടും പാടി കളിച്ചു രസിച്ച് തന്റെ മാളത്തിലേയ്ക്ക് തിരിച്ചു…!

! ~ ~ * * H * A *P * P * Y * * * * 2 * 0 * 1 * 2 * * ~ ~ !

ഹലോ …

ഹലോ പപ്പാ….

ഇത്  റിനി മോളാ…

മമ്മി ആ കരയിയ്ക്കണ ആന്‍റിയുടെ സീരിയല്‍ കാണാ..

ആ നേരം നോക്കി മോള്‍  നമ്മടെ റൂമില്‍  ഓടി വന്നതാ, പപ്പയ്ക്ക് വിളിയ്ക്കാന്‍..

റിനി മോള്‍  എന്നും ഉറക്കമെണീറ്റാല്‍ പിന്നേം കണ്ണടച്ച് മാതാവിനോട് എന്താ തേടാന്ന് അറിയോ..

“മാതാവേ..റിനി മോള്‍ക്ക് ഇപ്പഴും എപ്പഴും പപ്പയെ പോലൊരു പപ്പയെ തരണേന്ന്..“

അത് എന്തിനാന്നറിയോ പപ്പയ്ക്ക്..

ഈ മമ്മി ഇല്ലേ.. എന്നും മാതാവിനോടും കര്‍ത്താവിനോടും ഒക്കെ മുട്ടു കുത്തി പറയും,

“ഇനി ഒരു ജന്മം ഉണ്ടേല്‍ റിനി മോളെ തന്നെ തരണേന്ന്..”

റിനി മോള്‍ക്ക് മാത്രം മമ്മീടെ ഒരേ കഥകള്‍ കേക്കണ്ട, അതാ പപ്പയും വേണംന്ന് പറഞ്ഞത്..പുത്യേത് പറഞ്ഞു തരോല്ലോ..

പപ്പാ…പപ്പയ്ക്ക്  അറിയോ..ഇന്ന്  കൃസ്തുമസ് കഴിഞ്ഞിട്ട് രണ്ടീസായി..

എന്നിട്ടില്ലേ....
കൃസ്തുമസ്  പാപ്പന്‍  ഒളിഞ്ഞു വന്ന്  മോള്‍ ഉറങ്ങുമ്പോ ഇല്ലേ...

മോള്‍ടെ പില്ലോടെ ചോട്ടില്‍  ചോന്ന സോക്സിനുള്ളില്‍ ഇല്ലേ...

മോള്‍ എപ്പഴും കൊതിയ്ക്കണ ഗിഫ്റ്റ് വെച്ചു തന്നിട്ട് പോയിരിയ്ക്കുണൂ..

പപ്പയോട് മോള്‍ എപ്പഴും ഫോണില്‍ പറയാറുള്ള വെള്ള ഉടുപ്പിട്ട വെള്ള ചിറകുള്ള കൊച്ച് മാലാഖ കുഞ്ഞില്ലേ..

അതെന്നെ തന്നിരിയ്ക്കുണൂ അപ്പൂപ്പന്‍..

പപ്പയോട് മോള്‍ പറയണതൊക്കെ ഈ അപ്പൂപ്പന്‍ ഒളിച്ചിരുന്ന് കേള്‍ക്കുന്നുണ്ടാവോ പപ്പാ..?

നേരം വെളുത്തപ്പൊ മോള്‍ക്ക് എത്ര സന്തോഷായെന്നോ..!

പിന്നല്ലേ പപ്പാ..പപ്പയ്ക്ക് അറിയോ..വിരലില്‍ ഇനി നാല്‍  ദിവസം കൂടി എണ്ണിയാല്‍ ന്യൂ ഇയര്‍ ആയി..

ഇത് വിനു ടീച്ചര്‍ പറഞ്ഞു തന്നതാ..

കൃസ്തുമസ് കഴിഞ്ഞാല്‍ വിരലില്‍ എണ്ണിതുടങ്ങാന്‍..ന്യൂ ഇയര്‍ പെട്ടെന്‍ വരാനുള്ള സൂത്രാത്..

അപ്പഴും മോള്‍ക്ക്  വേറെ പുതിയ ഗിഫ്റ്റ് വേണംന്ന്  മമ്മിയോട് പറഞ്ഞിട്ടുണ്ട് മോള്‍..

അത് എന്താന്നറിയോ പപ്പയ്ക്ക്..?

നീല കണ്ണുകള്‍ അടയ്ക്കേം തൊറക്കേം ചെയ്യണ പിങ്ക് ഉടുപ്പിട്ട പിങ്ക് ചിറകുള്ള തിളങ്ങണ നക്ഷത്ര മന്ത്ര വടിയുള്ള വലിയ മാലഖ കുഞ്ഞിനെ വേണംന്ന്..

ഇനി മമ്മി മോളോട് പിണങ്ങിയാല്‍ വാങ്ങി തന്നില്ലെങ്കിലോ,,

അതാണ്‍ ട്ടൊ പപ്പയോട് സ്വകാര്യായി പറഞ്ഞത്…!

ഹാവ്വ്വ്വ്വ്വ്വ്വ്…പപ്പാ..മോള്‍ക്ക് ഉറക്കം വരുണൂ..

അപ്പൊ ഇനി ഡിസംബര്‍ റ്റാറ്റ പറഞ്ഞ്  പോയാല്‍ ജനുവരി ചിരിച്ച് വരൂല്ലേ..ഇതും വിനു ടീച്ചര്‍ പറഞ്ഞു തന്നതാ ട്ടൊ,

അപ്പൊ പപ്പയും വരണംന്ന് മാതാവിനോട്  സ്വകാര്യം പറഞ്ഞിട്ട് മോള്‍ ഉറങ്ങാണ്‍ ട്ടൊ..

അയ്യോ…പപ്പാ…മോള്‍ പറയാന്‍ മറന്നു..

വിനു ടീച്ചര്‍  പറയാ ഇനി മോളെ കാണാന്‍ ആര്‍ വന്നാലും അവരോടെല്ലാം

“********WISH YOU A HAPPY AND PROSPEROUS NEW YEAR********”

 എന്ന് പറയണംന്ന്..
 മോള്‍  പ്രോച്പരസ് എന്ന് പറയുമ്പോ ഈ മമ്മി  കളിയാക്കി ചിരിയ്ക്കും പപ്പാ..

അങ്ങനെ ചിരിയ്ക്കാന്‍ പാടില്ലാന്നാ വിനു ടീച്ചര്‍ കഥയില്‍ പറഞ്ഞു തന്നത്..

ഈ മമ്മി ആണേല്‍ മോള്‍ പറയണ കഥ കേള്‍ക്കാന്‍ ഇരിയ്ക്കില്ല പപ്പാ..

പപ്പ വന്നാല്‍ മമ്മിയെ കണ്ണുരുട്ടി പേടിപ്പിയ്ക്കണേ..

ശ്ശ്ശ്ശ്ശ്ശ്ശ്ശ്ശ്….പപ്പാ….മമ്മി വരുന്നൂ..
ഇനി മമ്മി പപ്പയോട് പറയുന്നതെല്ലം ഇച്ചിരി കേട്ടുകൊണ്ട് മോള്‍ മമ്മീടെ മടിയില്‍ കിടന്ന് ഉറങ്ങാന്‍ പോവാണേ..

മോള്‍ ഫോണ്‍ വെച്ചൂ ട്ടൊ..

അയ്യോ…പിന്നേം മോള്‍ മറന്നു,,

ഉമ്മാ….പപ്പയ്ക്ക് ഉമ്മാ….!

“കുട്ടി വരകള്‍ “

എന്‍റെ ക്ലാസ്സ് മുറിയിലെ കൊച്ചു കൊച്ചു സംഭവങ്ങള്‍ ആണ്‍ ട്ടൊ..

നിങ്ങള്‍ക്കും വായിച്ചറിയാന്‍ ഇഷ്ടാവും എന്ന് കരുതുന്നൂ..

നമ്മുടെ കാഴ്ചയ്ക്കപ്പുറം  വിചാരങ്ങള്‍ക്കപ്പുറം കുഞ്ഞു മനസ്സുകള്‍ സഞ്ചരിയ്ക്കുന്നു..

 അവര്‍ക്ക്  ഓരോന്നിനോടും ഉള്ള കാഴ്ച്ക്‍പ്പാടുകള്‍ അറിയുമ്പോള്‍  പലപ്പോഴും നമ്മള്‍ അന്തിച്ചു പോകുന്നു..

എന്നാല്‍ തനിച്ചിരുന്ന് നമ്മുടെ ബാല്യം അയവിറക്കുമ്പോള്‍  ഓടി വരുന്നൂ അത്തരം കുസൃതികള്‍..ഇല്ലേ..?

അങ്ങനെ കുറച്ച് കുസൃതികള്‍..

നമ്മളെല്ലാവരും ചിത്രം വരയ്ക്കും, ഇല്ലേ…?

ഇല്ലാ എന്നു പറയുന്നവരോട് ചോദിച്ചോട്ടെ,

നിങ്ങള്‍  ഫോണില്‍ സംസാരിയ്ക്കുമ്പോള്‍ ഒരു പേന കയ്യില്‍ ഉണ്ടെങ്കില്‍ എന്തു ചെയ്യും..?

അല്ലെങ്കില്‍  മേശപ്പുറത്ത് വെറുതെ ഇരിയ്ക്കുന്ന ഒരു പേനയും പേപ്പറും നിങ്ങള്‍ വെറുതെ വിടാറുണ്ടോ..?

ഇല്ലാല്ലോ….?

ഒരു കുഞ്ഞിനോട് ഒരു ചിത്രം വരയ്ക്കാന്‍ പറഞ്ഞാല്‍ അവന് അവന്‍റെ കൊച്ചു മനസ്സില്‍ തെളിഞ്ഞു കാണുന്നവ കുത്തി വരയ്ക്കുന്നു..

എന്നാല്‍  മുതിര്‍ന്നവനോ സ്വന്തം മനസ്സില്‍ കാണുന്ന ചിത്രത്തെ പിന്‍  ചെയ്ത് അവനെ വിസ്തരിയ്ക്കുന്നൂ..

“ഹ്മ്മ്… ‘അത് ‘ വരയ്ക്കാന്‍ പറഞ്ഞാല്‍  ‘ഇത് ‘ ആണോ  വരയ്ക്കാ എന്നും ചോദിച്ചു കൊണ്ട് ഒരു മേട്ടവും.. പ്രശംസയുടെ വലിയ ഒരു അംശം ആ തട്ടലില്‍ ഉണ്ടെങ്കിലും അത് മനസ്സിലാക്കാനുള്ള പക്വത ആ കൊച്ചു മനസ്സുകളില്‍ വളര്‍ന്നിട്ടില്ല..

അവര്‍ക്ക്  നേരിട്ടു തന്നെ എല്ലാം വേണം..

അതാണ്‍ കുഞ്ഞു മനസ്സുകള്‍…!

ഇനി നിങ്ങളോട് ഒരു സൂര്യനെ വരയ്ക്കാന്‍ പറഞ്ഞാലോ..

അതാ.. ഒരു വട്ടം വരച്ചു.. മഞ്ഞ നിറം കൊണ്ട് നിറയ്ക്കുകയും ചെയ്തു ഇല്ലേ..?

നീലാകാശത്തെ പറവകളാണെങ്കിലോ..അഞ്ചാറ്  vvvvv വരച്ചാല്‍ ദൂരെ പറക്കുന്ന പറവകളായി..

അങ്ങനെ എത്രയെത്ര കൊച്ചു സാങ്കല്പിക ചിത്രങ്ങള്‍..

ഞാന്‍ ..എനിയ്ക്ക്  വലിയ സന്തോഷം പകര്‍ന്ന കുഞ്ഞു കുഞ്ഞു അനുഭവങ്ങള്‍ പറയാം..

ഒരു ദിവസം…

ഞാന്‍ എന്‍റെ 4 വയസ്സിനിടയ്ക്കുള്ള 30 മക്കളോട്  B for BAT വരയ്ക്കാന്‍ ആവശ്യപ്പെട്ടു..

നിമിഷങ്ങള്‍ക്കകം  29 പേരും സച്ചിന്‍റെ BAT വരച്ച് വന്നു..

എന്നാല്‍ ഒരാളുണ്ട്  വര തീരാതെ കുമ്പിട്ട തല പൊക്കാതെ ഇരുന്ന് ചക്രശ്വാസം വലിയ്ക്കുന്നു..

അവന്‍ വവ്വാലിനെ വരയ്ക്കുകയാണ്‍..

എന്‍റെ കണ്ണുകള്‍ക്ക് മാത്രമല്ല മനസ്സിനേയും പിടിച്ചടക്കാന്‍ പറ്റാത്ത സംഭവം എന്നു തന്നെ പറയാം..

എല്ലാവര്‍ക്കും ഓരോ മുത്തം കൊടുത്തപ്പൊ ആരും കാണാതെ.. അവന്‍ പോലും അറിയാതെ അവന്‍  രണ്ട് മുത്തം കൊടുത്ത്  എന്‍റെ സന്തോഷം അറിയിച്ചു ഞാന്‍ അവരെ..

ഇനി മറ്റൊരു സംഭവം പറയാം..

സൂര്യന്‍, മരം, വീട്, പുല്ല്, പൂവ്, കിളി…ഇവയെ എല്ലാം വരച്ചു പഠിച്ച മക്കളോട് അന്നത്തെ  ക്ലാസ്സില്‍ പറഞ്ഞു,

നമ്മള്‍ ഇന്ന് പഠിച്ച കൊച്ചു ചിത്രങ്ങളെ എല്ലാം ചേര്‍ത്ത് ഒരു സീനറി വരയ്ക്കാന്‍ പോവുകയാണ്‍..

ഓരോന്നിനും അതാത് സ്ഥാനങ്ങള്‍ കൊടുത്ത് വരച്ച് കാണിച്ച് അവരോടും വരയ്ക്കാന്‍ ആവശ്യപ്പെട്ടു..

അപ്പോഴുണ്ട് ഒരു മിടുക്കിയുടെ ചിത്രത്തില്‍ രണ്ട് സൂര്യന്‍..

ഇതെന്താ  മോളൂ..നമ്മള്‍ എന്നും ചൊല്ലി പഠിയ്ക്കുന്നതല്ലേ…ONE – 1, one and only 1 SUN എന്ന്..

അപ്പോള്‍ തീരെ ഗൌരവം വിടാതെ അവളും പറഞ്ഞു,

“എന്‍റെ വീട്ടില്‍ വെച്ച് എന്നും രാവിലെ ഞാന്‍ ഒരു സൂര്യനെ കാണാറുണ്ട്,

പിന്നെ കളിയ്ക്കാനായി വൈകീട്ട് അമ്മമ്മേടെ വീട്ടില്‍ പോകുമ്പോള്‍  അവിടെ വെച്ചും ഒരു സൂര്യനെ കാണാറുണ്ട്..

ഞാന്‍ ഒരാളെ വരച്ചാല്‍ മറ്റേ ആള്‍ക്ക് സങ്കടാവില്ലേ..അതാണ്‍ ട്ടൊ..”

ആ മിടുക്കിക്കിയ്ക്ക് ഉച്ചയ്ക്ക് കാണുന്ന സൂര്യനെ കുറിച്ചു കൂടി പറഞ്ഞു കൊടുക്കേണ്ടി വന്നു..!

ഇനി ഇതാ വേറൊരു മിടുക്കി..അവള്‍ വരച്ച സൂര്യാകാന്തിയ്ക്ക് കറുപ്പ് മുതലുള്ള 12 നിറങ്ങളും കൊടുത്തിരിയ്ക്കുന്നു..

അതിന്‍ അവള്‍ പറഞ്ഞ ന്യായം…

“ഇന്നലെ കിട്ടിയ പുതിയ കളര്‍ പെന്‍സിലുകളാ…മൊത്തം നിറങ്ങളും നിയ്ക്ക് ന്റ്റെ സൂര്യാകാന്തിയില്‍ കാണണം..ടീച്ചറിന്റ്റെ മഞ്ഞ സൂര്യാകാന്തിയെ നാളെ വരയ്ക്കാം ട്ടൊ, എന്ന്..

 

കൊച്ചു കുഞ്ഞുങ്ങളെ അക്ഷരങ്ങള്‍ പഠിപ്പിയ്ക്കുന്നതോടൊപ്പം അതാത് അക്ഷരങ്ങളില്‍ തുടങ്ങുന്ന  ചിത്രങ്ങളും വരയ്കാന്‍ പഠിപ്പിയ്ക്കുന്നത് ഞങ്ങളുടെ ടീച്ചിംഗ് പ്ലാനില്‍  മുന്‍പന്തിയില്‍ സ്ഥാനം പിടിച്ചിട്ട് വര്‍ഷങ്ങളായി..

അവരുടെ കൈവിരലുകളിലൂടെ അറിഞ്ഞും അറിയാതേയും കോറി  വരഞ്ഞു പോകുന്ന ചിത്രങ്ങളെ അവര്‍ എന്നും കാണ തക്ക രീതിയില്‍ ബുള്ളറ്റിന്‍ ബോര്‍ഡില്‍ പിന്‍ ച്യ്തിടുമ്പോഴുണ്ടാകുന്ന അവരുട അഭിമാനിയ്ക്കുന്ന മുഖങ്ങളും തിളങ്ങുന്ന കണ്ണുകളും ഒന്നു കാണണ്ടതു തന്നെയാണ്‍..

അവരുടെ ആ ആനന്ദം മനസ്സിന്‍ നല്‍കുന്ന തൃപ്തിയും സന്തോഷവും എത്രയെന്ന് പറയാന്‍ വയ്യ..!

ഇതെന്‍റെ അനുഭവം..

നിങ്ങള്‍ക്കുമില്ലേ..നിങ്ങളുടെ കുഞ്ഞു നാളുകളിലെ അനുഭവങ്ങള്..

അല്ലെങ്കില്‍  സ്വന്തം കുഞ്ഞുങ്ങളുടെ അനുഭവങ്ങള്‍..

വരൂ…പങ്കു വെയ്ക്കൂ……PLEASE………!

നമുക്ക് ENGLISH പഠിയ്ക്കാലോ...

Hallo Friends...

ഇന്ന്  ENGLISH നെ ആണ്‍  കേട്ടൊ തൊട്ട് കളിയ്ക്കാന്‍ പോണത്..

ഊഹും എന്ന് പറഞ്ഞാല്‍  Give you nicely...

അപ്പോ തുടങ്ങാലോ..അല്ലേ…

ആദ്യം എല്ലാവരും പറയണത് കേട്ടേ..

ഇല്ലേല്‍ പിന്നേം  Give you nicely..

എന്താ കേള്‍ക്കണ്ടേ എന്നോ….ഇതെന്നെ..

Hands UP

Hands Down

Fold your Hands

Finger on your  Lips…..

ഇനി ഞാന്‍ പറയമ്പോഴേ വായ് തുറക്കാന്‍ പാടുള്ളു കേട്ടോ..

ഇപ്പൊ വരാമേ… ;)

ഉം…വന്നൂ ട്ടൊ….ഒരു ഫോണ്‍ ചെയ്യാന്‍ പോയതാ…(ആരോടും പറയണ്ടാ കേട്ടൊ.. )

 ഇന്നു നമുക്ക്  A – Z..അതായത് ...

ABC of Friendship കാണാതെ പഠിയ്ക്കണം ..

അതിനാ പറയുന്നത്  എല്ലാവരും കൂടെ ചൊല്ലി കൊണ്ടേ ഇരിയ്ക്കണംന്ന്..

കൂടെ ചൊല്ലാത്തവരോട് ഇനി കാണും വരേയ്ക്കും മിണ്ടൂല്ലാ..

കൂടെ ചൊല്ലുന്നവര്‍ കൂടെ ചൊല്ലാത്തവരോട് ഇനി കാണും വരേയ്ക്കും മിണ്ടരുത്  കേട്ടൊ..

അപ്പൊ ദേ…തുടങ്ങായി..

A   Accepts you as you are

B   Believes in you

C   Calls you just to say ‘Hi’

D   Doesn’t give up on you

E   Envisions the whole of you

F   Forgives your mistakes

G  Gives unconditionally

H  Helps you

I    Invites you over

J   Just because he / she cares

K   Keeps you close at heart

L   Loves you for who you are

M   Makes a difference in your life

N   Never judges

O  Offers support

P   picks you up

Q   Quiets your fears

R   Raises your spirits

S   Says nice things about you

T   Tells you the Truth

U   Understands you

V   Values you

W   Walks besides you

X    Xcites  you

Y   Yells when you won’t listen

Z   Zaps you back to reality.

എന്തിനാ കുട്ട്യോളേ ഇങ്ങനെ തൊണ്ട കാറി ചൊല്ലണത്..

എപ്പഴും പറയണതല്ലേ എന്‍റെ തൊണ്ട കൂടി പൊട്ടിയ്ക്കല്ലേ എന്ന്..

ഹ്മ്മ്…ഇനീം എന്താ നോക്കി ഇരിയ്ക്കണത്…

ബെല്ലടിച്ചത് കേട്ടില്ലേ…

എല്ലാവരും ഓടാന്‍ റെഡി ആയിയ്ക്കൂ…

അപ്പൊ  റെഡി 1 2 3………….

നാളെ വരുമ്പൊ A – Z  കാണാപാഠം പഠിയ്ക്കാതെ വന്നാല്‍ ശരി ആക്കി തരണ്ട്…ഹ്മ്മ്.